 |
755 reads • Apr 2025 • 373 words • 19 rows
|
|
യഥാർത്ഥ രചയിതാവ്: അജ്ഞാതം
പുനർ എഴുതിയത്: ഉദയൻ |
പണ്ട് പണ്ടൊരു കാലത്ത്, ഒരു കാട്ടിൽ, ഒരു കുറുക്കൻ താമസിച്ചിരുന്നു. ഒരു ദിവസം, ഭക്ഷണം തേടി കാട്ടിലൂടെ അലഞ്ഞുനടന്ന കുറുക്കൻ ആക്രമിക്കപ്പെട്ടു. ഒരുപാട് ദൂരം നടന്നപ്പോൾ കുറുക്കൻ ഒടുവിൽ ഒരു കുളം കണ്ടെത്തി. 1 |
കുളം കണ്ടപ്പോൾ കുറുക്കൻ സന്തോഷിച്ചു, അതിലേക്ക് എടുത്ത് ചാടി. നന്നായിട്ട് വെള്ളം കുടിച്ചിട്ട് തിരിച്ചു പോകാമെന്ന് കരുതി. എന്നാൽ, ആവശ്യത്തിന് വെള്ളം കുടിച്ച് കുളത്തിൽ നിന്ന് കയറാൻ ശ്രെമിച്ചപ്പോൾ, പ്രതീക്ഷിച്ചതുപോലെ കുറുക്കന് പുറത്തിറങ്ങാൻ കഴിഞ്ഞില്ല. ആ കുളത്തിന് പടികൾ ഉണ്ടായിരുന്നില്ല. പാറകളും മിനുസമാർന്നതായിരുന്നു. 2 |
അപ്പോഴാണ് കുറുക്കൻ തന്റെ തെറ്റ് തിരിച്ചറിഞ്ഞത്. കുളത്തിലേക്ക് ചാടിയപ്പോൾ, തിടുക്കം മൂലം ദാഹിച്ചതിനാൽ വഴുക്കലുള്ള പാറകളിൽ വഴുതി വീണതാണെന്ന് കുറുക്കൻ മനസ്സിലായി. 3 |
പേടിയോടെ ചുറ്റും നോക്കുന്ന കുറുക്കൻ കണ്ടത്, എല്ലായിടത്തും വഴുക്കലുള്ള പാറകൾ മാത്രമായിരുന്നു. രക്ഷപ്പെടാൻ ഒരു വഴിയുമില്ലായിരുന്നു. ഇപ്പോൾ കുറുക്കന് കുളത്തിൽ നിന്ന് കയറി പോകുവാൻ കഴിയില്ലായിരുന്നു. 4 |
‘ഈ കുളത്തിൽ നിന്ന് ഞാൻ എങ്ങനെ കയറിപോകും? കയറാൻ പടവുകളില്ല, ചെടിയുടെയോ മരക്കൊമ്പിന്റെയോ മുകളിൽ പിടിക്കാൻ ഒന്നുമില്ല. ഞാൻ എങ്ങനെ ഇവിടെ നിന്ന് കയറിപോകും?’ കുറുക്കൻ സ്വയം ചിന്തിച്ചു. 5 |
കുളത്തിൽ നിന്ന് എങ്ങനെ രക്ഷപ്പെടാമെന്ന് കുറുക്കൻ ചിന്തിച്ചുകൊണ്ടിരിക്കുമ്പോൾ, ഒരു ആട് അതുവഴി വന്നു. 6 |
കുറുക്കന് കുളത്തിൽ നിന്ന് കയറിപോകുവാൻ കഴിയില്ലെന്ന് അറിയാതെ ആട്, കുറുക്കനോട് ചോദിച്ചു; “സുഹൃത്തേ, ഈ കുളത്തിലെ വെള്ളം കുടിക്കാൻ നല്ലതാണോ?” 7 |
ആടിനെ കണ്ടപ്പോൾ കുറുക്കൻ സന്തോഷിച്ചു, ഉടനെ അവിടെ നിന്ന് രക്ഷപ്പെടാനുള്ള വഴി ആലോചിച്ചു. ആടിന്റെ ചോദ്യത്തിന് കുറുക്കൻ ആവേശത്തോടെ ഉത്തരം നൽകി; “ഈ കുളത്തിലെ വെള്ളമാണ് ഞാൻ ഇതുവരെ കുടിച്ചിട്ടുള്ളതിൽ വച്ച് ഏറ്റവും നല്ലത്. നീയും ഇവിടെ വന്ന് കുറച്ച് വെള്ളം കുടിക്കൂ.” 8 |
കുറുക്കന്റെ ഉത്തരം കേട്ട്, മറ്റൊന്നും ആലോചിക്കാതെ ആട്, കുളത്തിലേക്ക് ചാടി. ആട് കുളത്തിൽ എത്തിയ ഉടനെ കുറുക്കൻ ആടിന്റെ മുതുകിലേക്ക് ചാടി കുളത്തിന്റെ കരയിലെത്തി. 9 |
ഏതാനും നിമിഷങ്ങൾക്കുള്ളിൽ അത് സംഭവിക്കുന്നത് അത്ഭുതത്തോടെ നോക്കിയിരുന്ന ആടിന്, ഇപ്പോൾ എന്താണ് സംഭവിച്ചതെന്ന് മനസ്സിലായി. കുറുക്കൻ തന്നെ ചതിച്ചെന്ന് ആടിന് മനസിലായി. കുറുക്കൻ കുളത്തിന്റെ കരയിൽ നിന്നുകൊണ്ട് ഉറക്കെ ചിരിച്ചു. 10 |
ആട് സ്വയം ചിന്തിച്ചു; ‘എന്തൊരു വിഡ്ഢിയാണ് ഞാൻ. കുറുക്കൻ പറഞ്ഞത് വിശ്വസിച്ച്, മറ്റൊന്നും നോക്കാതെ ഞാൻ ഈ കുളത്തിലേക് ചാടി. ഇനി എങ്ങനെ കരയിലെത്തും?’ 11 |
ആട് ദുഃഖത്താൽ കരഞ്ഞുകൊണ്ട് കുറുക്കനോട് പറഞ്ഞു; “നീ എന്തിനാണ് എന്നെ ചതിച്ചത്? ഈ കുളത്തിൽ നിന്ന് ആർക്കും കയറാൻ കഴിയാത്ത കാര്യം നീ എന്തിനാണ് എന്നിൽ നിന്ന് മറച്ചുവെച്ചത്?” 12 |
ഇത് കേട്ട കുറുക്കൻ ഒരു മടിയും കൂടാതെ ആടിനോട് പറഞ്ഞു; “കുളത്തിൽ ചാടുന്നതിന് മുമ്പ് നീ അതിനെക്കുറിച്ച് ചിന്തിക്കേണ്ടതായിരുന്നു. എന്തിനാണ് നിന്റെ ഭാരം എന്റെ മേൽ വയ്ക്കുന്നത്?” 13 |
ഉടനെ ആട് പറഞ്ഞു; “നിന്നെ ഒരു നല്ല സുഹൃത്തായിട്ടാണ് ഞാൻ കണ്ടത്. അതുകൊണ്ടാണ് നീ പറഞ്ഞത് ഞാൻ വിശ്വസിച്ചത്. എങ്ങനെയെങ്കിലും എന്നെ ഇവിടെ നിന്ന് രക്ഷിക്കൂ.” 14 |
ഇതു കേട്ട കുറുക്കൻ, ആടിനോട്, “നീ ഇതുവരെ കണ്ടിട്ടില്ലാത്ത എന്നെ എന്തിനാണ് വിശ്വസിച്ചത്? എന്റെ ജീവൻ തിരിച്ചു കിട്ടിയത് ഭാഗ്യം. നിന്നെ രക്ഷിക്കാൻ എനിക്ക് സമയമില്ല. കഴിയുമെങ്കിൽ നീ നിന്നെത്തന്നെ രക്ഷിക്കൂ,” എന്നിട്ട് കുറുക്കൻ അവിടെ നിന്ന് ഓടിപ്പോയി. 15 |
എന്തുചെയ്യണമെന്നറിയാതെ ആട്, രാത്രി മുഴുവൻ കുളത്തിൽ തന്നെ കിടന്നു കരഞ്ഞു. 16 |
പിറ്റേന്ന്, ആട് വീട്ടിൽ തിരിച്ചെത്തിയില്ലെന്ന് അറിഞ്ഞ ആടിന്റെ ഉടമ, ആടിനെ അന്വേഷിച്ച് കാട്ടിലൂടെ വന്നു. 17 |
കുളത്തിൽ നിന്ന് ആടിന്റെ കരച്ചിൽ കേട്ടപ്പോൾ അയാൾ സന്തോഷിച്ചു. കുളത്തിൽ നിന്ന് ആടിനെ രക്ഷപ്പെടുത്തി വീട്ടിലേക്ക് കൊണ്ടുപോയി. 18 |
ഈ കഥയുടെ അർത്ഥം; ഒരാളെ സഹായിക്കുന്നതിന് മുമ്പ്, അവരുടെ ഉദ്ദേശ്യങ്ങളെക്കുറിച്ച് ആദ്യം മനസ്സിലാക്കണം എന്നതാണ്. 19 ★ |
 |
